Description

Maandalizi ya Pasaka: Kutubu na Kusafisha

Katika kuelekea kwenye kusherehekea Pasaka, tunakumbushwa andiko muhimu kutoka 1 Wakorintho 5:7-8: “Basi, jisafisheni, mkatoe ile chachu ya kale, mpate kuwa donge jipya, kama vile mlivyo hamkutiwa chachu. Kwa maana Pasaka wetu amekwisha kutolewa kuwa sadaka, yaani, Kristo; basi na tuifanye karamu, si kwa chachu ya kale, wala kwa chachu ya uovu na ubaya, bali kwa yasiyochachika, ndio weupe wa moyo na kweli.” Hii ni wito wa kutubu na kujisafisha, kuondoa yale yote yasiyompendeza Mungu ili tuweze kusherekea Pasaka kwa usafi wa moyo na kweli.

Asili na Maana ya Pasaka ya Agano la Kale

Mafundisho haya yanatupa mwanga kuhusu asili ya Pasaka katika Agano la Kale. Tunafahamishwa jinsi Pasaka ilianza na maagizo ambayo Mungu aliwapa Waisraeli ili kuwakomboa kutoka utumwani Misri (Kutoka 12:1-10). Pasaka ilikuwa zaidi ya kumbukumbu ya ukombozi; ilikuwa ishara ya ukombozi mkuu ujao kupitia Kristo. Ni muhimu kuelewa historia hii ili kuelewa kikamilifu maana ya Pasaka tunayosherehekea leo.

Ukombozi Kupitia Damu ya Yesu Kristo

Ingawa damu ya wanyama ilitumika kuondoa dhambi katika Agano la Kale, ilikuwa ni mfano tu na haikutosha kabisa (Waebrania 10:3-10, Walawi 16:1-20). Ukombozi kamili umepatikana kupitia damu ya Yesu Kristo. Tunapaswa kuunganisha unabii zilizotolewa katika Torati, Manabii, na Zaburi na utimilifu wake katika Agano Jipya (Luka 24:44). Kusherekea Pasaka ni kukumbuka na kuadhimisha historia ya ukombozi wetu, tangu ujio wa Yesu, kifo chake, ufufuo wake, hadi kupaa kwake mbinguni.

Kwa kusherekea Pasaka kwa uelewa huu, tunakumbuka dhabihu kuu ya Yesu na tunajikumbusha juu ya uhuru tulionao ndani yake. Pasaka si sherehe tu, bali ni ukumbusho wa upendo na neema ya Mungu kwetu.